China, Wuhan Scientists Team 2 Nih Coronavirus Minung Takpum Chung Ah A Rak Langhning An Chimmi

Chinchiah tlak an si: Tu lio vawleipi nih kan ibuaipi tuk Coronavirus a langhning kong China Scientists pawl nih an hmuhchuah a si. Na umnak ah a checknak a um lo zongah, cun check hmun va kal hau loin nangmah tein hi zawtnak na ngeih le ngeih lo nai theih khawh lai. Rel law, na hawile sin ah share ve.

China Scientists team pahnih hna nih Coronavirus Symtomps minung taksa in a rak langh ning hlathlainak an tuah tikah hitihin an hmuhchuah. Hi team pahnih hna nih an hmuhchuahning ai khat lo. A pakhat nak team hna nih an hmuhchuah ning cu a tanglei bang hin a si;

(a)An thawchuah a har

(b)An hrom a fak.

(c)An cumpi.

(d)An khua a sik.

(e)An taksa a fak (nuam loin an um).

Cun Coronavirus hi minung taksa chungah a luh le cangka in a rak langh colh lo i ninga hnu lawng ah hi zawtnak hi a rak lang tiah an ti. Coronavirus kan pum chungah a rak luh hnu a ni 5nak ahhin kan “Hrom” a fak hmasa bik tiah an ti. Hi “Hrom” lawng a fah lio ahhin hi Coronavirus thahnak ding caah a ttha bikmi cu tilum le cite tlawmpal in cawh i din hi a ttha bik tiah an ti. Hi ni 5 hnu ahhin kan lungtur hi a hman set fawn lo an ti. Cu tlawmpalte in kan khua a sik pah peng i ni 12 tiang hi an khuasik a reh kho rih lo tiah an ti.

Hi kong a chimtu le a hlathlaitu hna nih hin Covid-19 zawtnak kong hi Jinyintan Hospital & Wuhan Pulmonary Hosipal ah December 29,2019 in January 31,2020 tiang mizaw admit mi hna chungin hlathlainak an tuahmi a si. Hi hna chung ahhin a thimi zong an um i a dam thaimi zong an um ve.

Hi hlathlaitu hna nihhin Mizaw minung 121 kha a dangte in ni 12 chung an chiah hna i an thlawp hna hnu zong ah an khuh hi a reh rih lo an ti. Cu lawng si lo rih loin ni 13 hnu zong ahhin an khuh (an thawchuah har)Dyspnoea – shortness of breath hi a um rih tthiam tiah an hmuhchuah. Hi mizaw chungah ni 22 tiang an zohkhenh khawhmi hna cu an dam hna tiah an hmuhchuah. A thi dingmi cu ni 18.5 (ni hleiriat le a cheu) hrawng ah an thi deuh viar hna tiah an phuan.

 

Team 2nak nih an hmuhchuah ning a tanglei ahhin langhter ka van izuam lai. Hi team 2nak tu nihcun Coronavirus hi minung  pum chung a luh in ni 8nak lawngah a lang tiah an ti ve. Ni 8nak ahhin an khuh, an hrom a fak tiah an ti.

Team 2nak nihhin mizaw minung 138 bak kha Zhongnam Hospital of Wuhan University ah hlathlainak an tuah hna. An nih an chimmi cu zawtnak a rak luh in ni 5nak ahhin an hrom tlawmpal in a fak tiah an ti ve. Hi team hna nih an chimmi cu minung 138 ahhin 4.3 percent (minung 6) lawng an thi tiah an ti.

 

An chim rihmi cu Coronavirus zawtnak in a zawmi zakhat chung ah 85 percent cu ni 7 chung ah symptom “phase one” timi a lang cang tiah an ti rih. Ni 8nak ahcun dam loin Respiratory distress syndrome (ARDS) neih hram an ithok cang. Ni 10nak ahcun a tlangpi in ICU room ah chiah an hau  cang hna tiah an chim. Ni 13 hnu ahcun Coronavirus symptoms hi a ho sin paoh in a lang dih cang tiah an hmuhchuah.