Ni 11 Chung Vawleipi Theih In Fak Taktak In An I Phomh Hnu Ah Israel le Hamas Nih Gaza Ah Kahdaihnak An Thanh

Israel le Palestinian ralhrang Hamas hna cu ni 11 chung an ikah hnu ah Gaza Strip ah kahdaihnak thawng an thanh. Hi kahdaihnak hi anmah Israel ram caan, nizan zinglei suimilam 2 ahkhan hman hram an thok.

May 10-a Gaza aṭanga Hamas helhoin Israel lama rocket an kah avangin Israel sipaite chuan airstrike hmangin an chhang let ve nghal a, hemi ni aṭang hian an inbei chhunzawm a ni. Tun ṭuma inbeih hi kum 2014 hnua Israel-in Gaza Strip-a beihpui a thlak nasat ber nia sawi a ni a, Hamas leh Palestinian pawl dangte pawhin Israel lamah rocket 4,000 chuang an kap hman bawk.

Ni 11 an inbeih chhung hian Palestinian mi 230 an thi a, an zi ngah hian naupang 65 an tel niin Gaza health ministry chuan a sawi a, hliam tuar 1,710 an awm bawk. Israel lamah pawh mi 12 thiin, an zingah hian naupang pahnih an tel.

Ram hrang hrangin inkahhai an puang chu lawmawm an tih thu sawiin, US president Joe Biden chuan hmasawnna ṭha tak a thlen ngei a beisei thu a sawi. Israel Iron Dome rocket defence system atana interceptor missile supply-naah Israel chu a puih zel tur thu leh, Palestinian Authority hnuaiah Gaza-a chengte chhawmdawlna pek an tum thu a sawi.

Hetih lai hian inkahhai puan chungchangah Israel PM hi an ram chhunga party ṭhenkhat chuan an sawisel a, inkahhai puan a remti chu thil zahthlak tak a ni tiin an dem hle.

Israel-in inkahhai puan a remtih thu a sawi hnuah Hamas leh Palestinian pawlte chuan hnehna an chang ta niin an sawi zui a, Gaza khawpuiah an lawm a ni. Hamas thupuangtu Abedelatif al-Qanou chuan Israel chuan a tlawm tih a puang ta a ni tiin, an thurualpui Islamic Jihad official Ali Barakeh pawhin Israel thupuan chu Netanyahu a tlawm ta tih leh, Palestinian mipuiten hnehna an chang ta tih puanna a ni, a ti. Hetih lai hian Israel lam pawhin hnehna changtu zawkah a inchhal ve bawk.

Gaza-a Israel sipaite beihpui thlaknaah hian hospital leh clinic 18 a chhe tel a, school 50 chuang a chhe bawk. Mi 58,000 vel hmun him lamah an tlanchhia a, an zinga a tam zawk chu United Nations enkawl school building hrang hrangah an khawsa a ni. Israel-in border crossing a khar avangin, damdawi, tui leh fuel thlengin an buai hman tawh a ni.