Israel Prime Minister Benjamin Netanyahu nih a chim mi cu “Gaza or Palestinian (Hamas)” he buai nolh ding nak cha cun a caan lio lawlaw an cihmih a ttha deuh” tiah a chim cang. Cucaah hi hna ram hnih idohnak hi fawite ah a dih lai lo ti a fiang. UN le International community pawl zong nih an hmurka in bia tampi an chuah cang nain, Israel nih zeihmanh a ngaihpiak duh hna lo. Hamas pawl Israel nih an ci a hmih khawh tiang cu a rau ko rih lai. Cucaah an buainak hi dongh zau dawh a si lo ti cu a fiang ko.
Palestinian
lei nih report an chuahning ahcun Israel le Gaza ni 11 chung idohnak ahhin zoh
ngam loin mipi hliamtuar mi tamtuk an um ko nain, May 20 zing ceu hlan ahkhan
Israel Airstrikes ruangah Gaza naupawi lio mi nu le a fanu kum 3, cun a pasal
thluak tlamtling lo deuh an thihmi hi cu lung a fak kho tuk” tiah an langhter.
Deir
el-Balah flat, central Gaza Strip ah
Eyad Salha, 33 le a nupi naupawi lio
Amani le an fanu kum 3 Nagham hna cu bomb nih a khen hna. Gaza's health
ministry report ning ahcun Palestinian minung 230 an thi cang. Hi chung ah
hngakchia 65 le nu 39 an itel tiah an langhter.
Israel nih
report an chuah ve ning ahcun “Ni 11 chung idohnak ruangah hin Gaza 3/2 cu an
power line a rawk. Siamremhnak ding an ngeih ti lo pinah Israel in Power line
hi a kalmi a si.
The workers'
union at the Israel Electric Corporation (IEC) nih cacawn nili nih an langhter
mi cu Gaza Strip Terrorist hna nih Israel minung pathum “Hadar Goldin, Oron
Shaul le Avera Mengistu” an chuah hna hlan lo cu power line hi kan serpiak hna
lai lo” tiah an langhter. Israel miphun an hei ttanrualning a langh tuk ning
hi…
Hamas le PIJ hi nih Human shields ah an hman
tawn tiah vawleipi nih an thei lo nain Isreal bomb ah civilians 200 renglo an
thih cang ruangah soiselnak bia chiakha cu a tamtuk manh. US nih Israel a
ttanhnak faktuk in a langhter ve. Democrats chung zong an i au khak len hna.
THE SQUAD nu
pawl nihcun Biden Administration nih Israel sinah ralthuam zuarh a timhmi cu phung lonh a
si. Nancy Pelosi tu nihcun 'Israel have the right to defend themselves' a ti
diam ve hoi. Lai holh in kan leh a si ahcun “Israel nih anmah ivennak ding ah
diknak, covo an ngei a ti. A ttanhtuk ve hoi hna.
Hamas's Izzadin Al-Qassam Brigades nihcun
Israel ralkap a phurtu north of the Gaza Strip lei panh in a tlik lio cu
“Anti-tank missile” in an kah. Israel Defense Force (IDF) pawl ai hliammi an
um.
Hi bantuk in kaphnih kar ah buainak a fahtuk lio le an bia a tthawn tuk lio ah The Wall Street Journal (WSJ) nih report an chuah ning ahcun Israel le Gaza nih cacawn ninga ni ah kahdaihnak an tuah khawh men tiah a langhter. Moussa Abu Marzouk, a senior Hamas political official zong nih Lebanon’s al-Mayadeen TV sinah kahdaihnak ceasefire tuah an iruahchannak a langhter ve.
No comments:
Post a Comment